परदेशी पाहुण्यांची शाळेला भेट
विद्यार्थ्यांना विविध प्रकारचे अनुभव मिळावेत म्हणून आम्ही नेहमीच प्रयत्नशील असतो. यासाठी वेगवेगळे प्रयोग केले जातात. याचाच एक भाग म्हणून गणेशोत्सवासाठी मलेशिया येथून थेऊर येथे आलेल्या सरोज सेठ व संगिता मॅडम या परदेशी पाहुण्यांनी शाळेला भेट दिली.
विद्यार्थ्यांशी त्यांनी हिंदी आणि इंग्रजीतून संवाद साधला. विद्यार्थ्यांच्या प्रगतीचे त्यांनी तोंड भरून कौतूक केले. शाळेने आणि शाळा व्यवस्थापन समिती अध्यक्षांनी भारतीय पद्धतीने केलेल्या पाहुणचाराने पाहूणे भारावून गेले.
गणेशोत्सव
पुणे शहर, ऐतिहासिक आणि सांस्कृतिक वारसा लाभलेले शहर. पुण्यातील गणेशोत्सव पारंपारिक आणि आधुनिकतेचा मेळ घालणारा. गणेशोत्सव हा पारंपारिक असला तरी याला आधुनिक तंत्रज्ञानाची जोड देत अनेक भव्य व आकर्षक देखावे तयार करणे हेच पुण्याच्या गणपती उत्सवाचे वैशिष्ट्य.
शाळा व्यवस्थापन समिती अध्यक्ष, सदस्य, माता पालक, सर्व विद्यार्थी आणि सर्व शिक्षक मिळून गणेशोत्सवातील देखावे पाहायला जातात. सर्व पालकांच्या व शिक्षकांच्या एकजुटीचा व वैचारिक समन्वयाचा सुंदर मेळ या कार्यक्रमात दिसून येतो.
दीपावली महोत्सव ----- आपल्या शाळेचा
पंचायत समिती गटशिक्षणाधिकारी मान. ज्योती परिहार यांचेकडील दिपावली महोत्सवाचे परिपत्रक मान. केंद्रप्रमुख सौ.शितोळे मॅडम यांचेमार्फत आमच्याकडे पोचले.
या परिपत्रकातील सूचनांचा विचार करून शाळेने एक आगळावेगळा दीपावली महोत्सव साजरा करण्याचे नियोजन केले. नियोजन पुढीलप्रमाणे होते........
दिनांक उपक्रम
२१/१०/२०१६ --- भेटकार्ड तयार करणे.
२२/१०/२०१६ --- रांगोळी काढणे.
२३/१०/२०१६ --- आकाशदिवे तयार करणे.
२४/१०/२०१६ --- पणत्या रंगविणे.
२५/१०/२०१६ --- किल्ला तयार करणे.
*दिपावली महोत्सवाची छायाचित्रे *
प्रवेशोत्सव
दरवर्षी शाळा सुरु होताना १५ जून रोजी सर्व शासकीय शाळांमध्ये प्रवेशोत्सव साजरा केला जातो. या दिवसासाठी प्रत्येक शाळेत वेगवेगळे उपक्रम राबविले जातात. शैक्षणिक वर्ष २०१६-२०१७ या शैक्षणिक वर्षात मुलांचे स्वागत करण्यासाठी परीराणी आली. परीने मुलांना फुगे आणि खाऊ वाटप करून मुलांचे स्वागत केले. त्यानंतर मुलांना पाठ्यपुस्तक वाटप व गणवेश वाटप करण्यात आले.
प्रवेशोत्सवाची छायाचित्रे
आमची रांगोळी
शाळेतील सर्व विद्यार्थ्यांमध्ये विविध कला गुणांची जोपासना व्हावी या दृष्टीने मुलांसाठी विविध कला स्पर्धांचे आयोजन केले जाते. यामध्ये रांगोळी स्पर्धा, समूहगीत स्पर्धा, पाठांतर स्पर्धा यासारख्या विविध स्पर्धांचे नियोजन केले जाते.
...........रांगोळी स्पर्धेत मुलींनी काढलेल्या काही रांगोळ्या..........
