शिक्षणाची वारी

शिक्षणाची वारी 

            प्रगत शैक्षणिक महाराष्ट्र अंतर्गत शिक्षणाची वारी या कार्यक्रमाचे नियोजन पुण्यातील बालेवाडी येथील  शिछत्रपती क्रीडा संकुल या ठिकाणी दिनांक  २८,२९ व ३० नोव्हेंबर या  कालावधीत  करण्यात आले होते. शैक्षणिक वारीचे हे दुसरे वर्ष होते.

              या शैक्षणिक वारीमध्ये महाराष्ट्र राज्यातून आलेले अनेक उपक्रमशील शिक्षक आपापले  नवनवीन शैक्षणिक प्रयोग व साहित्य  घेऊन आले होते.

              पंढरीच्या  वारीमध्ये वारकर्यांबरोबर  मुलांना घेऊन सामील होणारी आमची शाळा, आमचे व्यवस्थापन सदस्य , पालक या शैक्षणिक  वारीतही आनंदाने सहभागी झाले.  दिवसभर या वारीतील सर्व  ‌स्टॉलसना भेट देऊन सर्व  उपक्रमांची पाहणी केली. 

           शाळेच्या नवीन इमारतीचे बांधकाम चालू आहे. या नवीन वर्गखोल्यांसाठी  कोणत्या नाविन्यपूर्ण उपक्रमांची उपाययोजना करता येईल याचा अभ्यास करणे हा या भेटीचा मुख्य उद्देश होता. 

          हवेली पंचायत समितीच्या गटशिक्षणाधिकारी मान. सौ. ज्योती परिहार यांनी  या उपक्रमाचे विशेष कौतूक केले. या कार्यक्रमाला नेहमीप्रमाणे आमच्या सोबत आमच्या मार्गदर्शक केंद्रप्रमुख सौ. शितोळे स्नेहलता या होत्या. त्याचबरोबर  अध्यक्ष श्री. सुशांत काळे, श्री.सुरेश काळे, सदस्य सौ. सीमा बोडके, सौ. मनिषा बोडके , सौ. सीमा कुंजीर या सर्वांनी या कार्यक्रमात उत्साहाने सहभाग नोंदविला.

                                    छायाचित्रे 

आमचा अभिमान - आमचे संविधान

आमचा अभिमान - आमचे संविधान 

               आज २६ नोव्हेंबर . संविधान दिन. प्रत्येक भारतीयाला अभिमान वाटावा, असा आजचा दिवस . आपल्या संविधानाविषयी  मुलांना माहिती मिळावी या हेतूने  आजचा दिवस  जिल्हा  परिषद प्राथमिक  शाळा  तारमळा  येथे मोठ्या उत्साहात साजरा करण्यात आला.  या प्रसंगी  प्रभात फेरी काढण्यात आली.

           त्याचबरोबर याच दिवसाचे औचित्य साधून तंबाखू मुक्त  हवेली  प्रकल्पांतर्गत  मुलांना  तंबाखूचे दुष्परिणाम समजावून सांगितले. 

         शाळेत परत आल्यावर संविधान उद्देशिकेचे सामुहिक वाचन केले गेले. 

                                        क्षणचित्रे 

 

एक उपक्रम - समाजापर्यंत पोचण्यासाठी

 एक उपक्रम - समाजापर्यंत पोचण्यासाठी 

        शाळेच्या  सर्वांगीण विकासासाठी शाळेमधील समाजाचा सहभाग  हा अतिशय महत्त्वाचा  ठरतो. मग तो भौतिक सुविधांबाबत असेल अगर  उपक्रमांमधील कृतियुक्त सहभाग असेल.

          हा दृष्टीकोन  नजरेसमोर ठेऊन  आम्ही समाजापर्यंत पोचण्यासाठी  आम्ही आणखी एका संपर्क साधनाचा वापर करण्याचे नियोजन केले असून आता आम्ही फेसबुकच्या माध्यामतून आपणासमोर येत  आहोत. 

         फेसबुकवर  आम्ही आपल्या मैत्रीची प्रतीक्षा करत आहोत.

                         चला भेटू फेसबुकवर .........

वाटचाल - नवपर्वाकडे

वाटचाल - नवपर्वाकडे 

             जिल्हा परिषद प्राथमिक शाळा तारमळा, आपल्या विविध उपक्रमांमुळे उपक्रमशील शाळा म्हणून परिसरात ओळखली जाते. 

             शाळेच्या उपक्रमांबरोबरच शाळेच्या   भौतिक सुविधा पूर्ण करण्यासाठी शाळा प्रयत्नशील होती. या प्रयत्नांना यश आले. जिल्हा परिषद पुणे आणि ग्रामपंचायत थेऊर यांच्या संयुक्त विद्यमाने नवीन अद्ययावत इमारतीचे भूमिपूजन जिल्हा परिषद अध्यक्ष मान. श्री. प्रदीपदादा कंद यांच्या हस्ते दिनांक २१/०८/२०१६ रोजी झाले.

                                             भूमिपूजन

                
                        सुमारे तीन महिन्यांच्या प्रदीर्घ प्रतीक्षेनंतर दिनांक १८/११/२०१६ वार शुक्रवार रोजी प्रत्यक्ष बांधकामाला सुरुवात झाली.
                                    बांधकाम सुरुवात

आमची शाळा --- आमची बातमी

आमची शाळा --- आमची बातमी 

           सध्याचे युग माहिती व तंत्रज्ञानाचे युग आहे. या स्पर्धेत टिकून राहण्यासाठी जिल्हा परिषद प्राथमिक शाळादेखील कात टाकू लागल्या आहेत. तालुका,जिल्हयातील अनेक शाळा डिजिटल शाळेच्या दिशेने वाटचाल करत आहेत.

         आम्हीदेखील या प्रवाहामध्ये आमची भूमिका साकारू पाहतोय. याचाच एक भाग म्हणून शाळेचा ' सुसंवाद - तारमळा शाळा ' नावाचा  'Whatsapp' ग्रुप आहे. शाळेतील सर्व घडामोडी या ग्रुपवर शेअर केल्या जातात. व्यवस्थापन समितीची विविध निमंत्रणे देखील याच माध्यमातून पाठविली जातात.

           दैनिक केसरी व दैनिक प्रभात या वर्तमानपत्रांचे आपल्या भागाचे बातमीदार शाळेच्या विविध कार्यक्रमांबाबत वेळोवेळी बातम्या प्रसिध्द करतात. त्यांच्या सहकार्याने शाळेचे उपक्रम प्रसिध्दी माध्यमांपर्यंत पोहचले आहेत. 

             वर्तमानपत्रात आलेल्या शाळेविषयीच्या काही बातम्या 

                            दैनिक पुढारी दिनांक १६/०६/२०१६, वार - गुरुवार

 दैनिक केसरी दिनांक २८/०८/२०१६, वार - रविवार

 

                    दैनिक प्रभात दिनांक १५/११/२०१६, वार - मंगळवार

                      दैनिक प्रभात  १८/१०/२०१६, वार - मंगळवार

बालदिन -- बाल आनंद मेळावा

बालदिन -- बाल आनंद मेळावा 

                आज दिनांक १४/११/२०१६ वार सोमवार रोजी जिल्हा परिषद प्राथमिक शाळा तारमळा येथे बालदिन मोठ्या उत्साहात साजरा करण्यात आला. 
         बालदिनानिमित्त शाळेत आज बाल आनंद मेळाव्याचे आयोजन करण्यात आले होते. हा मेळावा निसर्ग रम्य अशा रामदरा देवालय लोणी काळभोर या ठिकाणी आयोजित केला होता. वनविहार, वनभोजन, विविध खेळ, गाणी, गोष्टी, झाडावर चढण्याचा आनंद असे वेगवेगळे आनंददायी उपक्रम या वेळी राबविले गेले.
       माता पालक संघाने या कार्यक्रमात उत्स्फूर्त असा सहभाग घेतला. मुलांना खाऊसाठी लाडू, गुलाबजाम, चकली, चिवडा असे पदार्थ देण्यात आले. इतर अनेक कार्यक्रमाप्रमाणेच बालदिनाचा कार्यक्रम पूर्णपणे यशस्वी ठरला. 
                     आमचा आंनद 

दीपोत्सव

दीपोत्सव 

             सालाबादप्रमाणे या वर्षाचा दीपोत्सव दिनांक १०/११/२०१६ वार गुरुवार रोजी अतिशय उत्साहपूर्ण वातावरणात आणि जल्लोषात साजरा करण्यात आला. या कार्यक्रमाला तारमळा  येथील सर्व ग्रामस्थ, पालक , विद्यार्थी व शिक्षक उपस्थित होते. 

           आजच्या दिवसाचा सुवर्णयोग साधत आम्ही आज आमच्या शाळेच्या  ब्लाॅगचे  उद्घाटन  केले.  दिव्यांच्या प्रकाशात न्हावून निघालेली शाळा ......